男人女人

我话比大家知。男人响爱情里面最重要嘅要求就系“新鲜”！OK？

而女人对爱情最大嘅要求就系“保鲜”！

我解释清楚D，男人对爱情就要不停地揾一D新鲜嘅对象，而女人就要不停咁要求同一个对象保持新鲜。

所以你成日听到好多女人对男人讲得最多嘅一句话系乜野？“你对我已经唔系好刺以前咁啦！” 系未呢？每个男人听到抓头。“我认识你先两星期咋。我点对你唔似以前甘样啊？唔通我以前认识你我唔记得咗？然后又跑返黎又再认识你啊？”

认识好耐果D又死。“阿姐，我识咗你成世啦，你成世都系度同我讲‘我对你唔似以前咁了’。唔通我前一世识得你啊？冇可能嘅嘛，个喇嘛话我上一世系一张凳黎架！仲系一张折凳，我唔多同人讲野嘅。”